રૂપાંતર

April 5th, 2010

શિયાળાની એક ખરબચડી સવારે
ઠરી જતી આંગળીઓથી
પેાચા પોચા રૂ જેવા
તાજા જ પડેલા સ્નોમાં
મેં તારું નામ લખ્યું તો ખરું
પણ પછી લુચ્ચો, અદેખો વરસાદ
એને વહી ગયો.

ઘરમાં ઊભી ઘડીભર હું ઉદાસ..

પણ તું માનીશ?
આજે
સુંવાળી વાસંતી સવારે
એ જ જ્ગ્યાએ
લચી પડતા ડેફોડિલ ઊગી નીકળ્યાં છે.
હવે મારે તારું નામ લખવાની શી જરૂર?

One Response to “રૂપાંતર”

  1. Pancham Shuklaon 11 Apr 2010 at 5:56 pm

    સર્જન-વિસર્જન અને શાશ્વતીનો સાક્ષીભાવ.

Trackback URI | Comments RSS

Leave a Reply