ઋણાનુબંધ
પન્ના નાયક April 8th, 2011
તું અને હું
આપણા દેહ બે પણ પ્રાણ એક-
એ વાતને
સાચી ઠરાવવાના
લાખ પ્રયત્ન કરીએ છીએ
પણ
આપણી ભીતર તો
સતત રણક્યા કરે છે
અસ્વીકારનું અસ્તિત્વ!
આપણે તો છીએ
પુસ્તકનાં સામસામાં બે પૃષ્ઠો-
સંપૃક્ત પણ અલગ અલગ
માત્ર સિવાઈ ગયેલાં
કોઈ
ઋણાનુબંધના દોરાથી!
—
ખુબ સુંદર…
મોટેભાગે લગ્ન જીવન જોડાઇ ગયા પછી ઋણાનુબંધના દોરાથી સંધાતા જાય છે દરરોજ….ને એક સાંધો ત્યાં તેર તૂટે !!
Liked best in Gujrati, wonderful poem.